Гэта стала магчымым пасля прызнання пантыфікам другога цуду, звязанага з яе імем. Да ліку святых, як чакаецца, каталіцкая манашка будзе прылічаная ў верасні будучага года. Ватыкан пацвердзіў, што жыхар Бразіліі, які пакутуе ад пухліны мозгу, вылечыўся ў 2008 годзе ў выніку нябеснага заступніцтва маці Тэрэзы.
У 2003 годзе манашка была прылічаная да ліку блажэнных. Гэта першы неабходны крок для кананізацыі. Раней быў прызнаны яе першы цуд - маці Тэрэза вылечыла бенгальскую жанчыну, якая пакутавала ад пухліны ў брушной поласці. У 1979 годзе маці Тэрэза атрымала Нобелеўскую прэмію міру. Памерла яна ў Калькуце ва ўзросце 87 гадоў.
