У зоне пошуку зніклага самалёта ў Чылі знойдзены астанкі людзей

Астанкі людзей і паветранага судна знойдзены ў зоне пошуку зніклага самалёта ВПС Чылі. Яны пакуль не дастаўлены на кантынент, а пошукавая аперацыя па-ранейшаму працягваецца. Нагадаем, ваенны самалёт, на борце якога знаходзіліся 38 чалавек, вылецеў у панядзелак з Пунта-Арэнаса на антарктычную базу імя прэзідэнта Манталвы. Але ўжо менш чым  праз дзве гадзіны борт перастаў выходзіць на сувязь. Праз сем гадзін пасля страты кантакту з самалётам ВПС яго аб'явілі пацярпелым крушэнне.