У Вене адкрыўся саміт лідараў дзяржаў балканскага маршруту

Саміт лідараў дзяржаў, размешчаных уздоўж так званага балканскага маршруту (міграцыйных патокаў у Еўропу), адкрыўся ў Вене. Акрамя высокапастаўленых чыноўнікаў Албаніі, Балгарыі, ФРГ, Грэцыі, Харватыі, Македоніі, Сербіі, Славеніі, Румыніі, Венгрыі, мерапрыемства наведалі старшыня Еўрасавета і еўракамісар па пытаннях міграцыі. Пасля традыцыйнага фота ўдзельнікаў сустрэчы ў імператарскім палацы Хофбург пачалося закрытае абмеркаванне сітуацыі. Нагадаем, шэраг краін балканскага маршруту ў аднабаковым парадку закрылі гэты шлях для бежанцаў. Аднак нелегалы знаходзяць абходныя варыянты. Згодна са статыстыкай, з сакавіка (моманту закрыцця) прабраліся праз разнастайныя бар'еры ўжо 20 тысяч мігрантаў. Сэнс сустрэчы - абмеркаванне сітуацыі з мэтай далейшага планавання дзеянняў.