У сталіцы Францыі сур'ёзна ўзяліся за барацьбу з забруджваннем паветра

Улады нават прынялі спецыяльны закон, які абмяжоўвае колькасць аўто на вуліцах Парыжа. Сёння ў горад змаглі выехаць выключна машыны, нумары якіх заканчваюцца на няцотныя лічбы. Заўтра дазволена ездзіць на аўто з цотнымі нумарамі. А каб пераканаць парыжан часцей карыстацца грамадскім транспартам, яго вырашана зрабіць на гэтыя два дні бясплатным. Бясплатным у гэтыя дні будзе і пракат гарадскіх веласіпедаў. За выкананнем закона будуць сачыць больш за 1000 паліцэйскіх. Парушальнікаў чакаюць штрафы. Чысціня сталічнага паветра пачала імкліва падаць з серады. Быў нават непрацяглы перыяд, сцвярджаюць метэаролагі, калі Парыж стаў горадам з самым брудным паветрам на планеце. Смог нават закрыў Эйфелеву вежу.