У ЗША аддзяленне паліцыі прыняло на працу кацяня

Новы супрацоўнік быў выбраны па выніках маштабнага конкурснага адбору з шасці кандыдатаў. "Сумоўе" праходзілі гадаванцы з прытулку штата Мічыган. Афіцэры назіралі за паводзінамі жывёлін і выбралі самага прыдатнага для службы. Кацяня будуць прыцягваць да сацыяльнай працы з насельніцтвам і ўдзелу ў публічных мерапрыемствах. Ад імя паліцэйскага-кацяняці будуць размяшчацца паведамленні на старонках аддзялення паліцыі ў сацсетках. Варыянты імя для новага супрацоўніка прапаноўваюць вучні школ горада.