У ЗША шпіталізаваны авіяпасажыр

У ЗША шпіталізаваны авіяпасажыр, які падчас пералёту з Ганконга ў Ньюарк запатрабаваў накіраваць самалёт у Канаду і сцвярджаў, што атруціў усіх пасажыраў ядам. Дэбашыра абясшкодзілі самі пасажыры, пасля чаго апошнія шэсць гадзін палёту ён правёў са звязанымі рукамі і нагамі. Парушальнік спакою быў перададзены ФБР, калі самалёт прызямліўся ў аэрапорце Ньюарка. Паводле слоў аднаго са сведак, гэты чалавек амерыканец, ён сцвярджаў, што працаваў у пасольстве ЗША на Блізкім Усходзе. Па факце інцыдэнту на борце праводзіцца расследаванне.