У Румыніі больш як тысяча пастухоў уварваліся ў будынак парламента

Актывістам удалося прарваць ачапленне вакол будынка, але паліцыі прыйшлося прымяніць слёзатачывы газ. Многія пастухі былі апранутыя ў авечыя шкуры. Яны незадаволеныя нядаўна прынятым законам, які абмяжоўвае колькасць сабак, што могуць ахоўваць статкі. Дакумент таксама забараняе ўтрыманне жывёл на пашах са снежня па сакавік. Улады гавораць, што гэта рашэнне накіравана на абарону праў паляўнічых і навакольнага асяроддзя.