У Расіі ўжо заўтра перастае дзейнічаць перыяд непрацоўных дзён. Як заявіў прэзідэнт Пуцін, краіна падышла да наступнага этапу - змякчэння рэжыму абмежаванняў. Нагадаем, рэжым самаізаляцыі для грамадзян Расіі доўжыўся цэлых шэсць тыдняў. Зараз расіян заклікаюць узмацніць асабістыя меры прафілактыкі, а жыхароў і гасцей Масквы абавяжуць на выхад надзяваць маскі і пальчаткі.
Зараз Расія выйшла на трэцяе месца ў свеце па колькасці выпадкаў каранавіруса. За час пандэміі ў краіне іх зафіксавана 221 344. Прывёў расійскі лідар і лічбы па беспрацоўі за час уведзеных абмежаванняў: колькасць беспрацоўных павялічылася ўдвая ў параўнанні з пачаткам красавіка.
Тэсціраванне насельніцтва на каранавірус у розных краінах
Каля 15 700 выпадкаў пацверджана ва Украіне. Пры гэтым тэсціраванне тут знаходзіцца на даволі нізкім узроўні - 4 151 тэст на мільён насельніцтва. У Польшчы гэты паказчык складае 12 601. Дарэчы, у Беларусі паказчык тэсціравання намнога вышэйшы - 27 890 тэстаў на мільён насельніцтва.
