У Познані ўстаноўлены новы сусветны рэкорд

Жыхары польскага горада Познань устанавілі новы сусветны рэкорд для кнігі Гінеса. Напярэдадні вечарам на Старой рыначнай плошчы 1055 мясцовых жыхароў выстраіліся ў вялізную елку з людзей. Такім чынам, быў пабіты папярэдні рэкорд, устаноўлены летась у Кітаі. Тая елка ўключала толькі 889 чалавек. Арганізатараў і ўдзельнікаў польскага мерапрыемства так натхніла іх дасягненне, што яны паабяцалі праз год сабраць елку больш чым з паўтары тысячы мясцовых жыхароў.