У Нагасакі прайшла цырымонія памяці

У японскім горадзе Нагасакі прайшла цырымонія памяці ахвяраў атамнай бамбардзіроўкі ў 1945 годзе. Яна адбылася ў парку Міра ў цэнтры горада. Мерапрыемствы пачаліся роўна ў 11:02 па мясцовым часе - у момант выбуху атамнай бомбы. Нагасакі стаў другім горадам Японіі, які бамбардзіравалі ў жніўні 45-га года. Плутоніевая бомба Таўстун была амаль удвая магутнейшая за тую, што скінулі на Хірасіму, але недакладнае прыцэльванне і асаблівасці рэльефу трохі знізілі страты ад выбуху. Больш за 70 000 жыхароў Нагасакі загінулі імгненна, а горад быў амаль знішчаны.