У Маскве праходзіць выстава рэтрааўтамабіляў

Тут сабраныя машыны, у якіх на працягу амаль стагоддзя ездзілі першыя асобы краіны, а таксама матацыклы, якія іх суправаджалі. У кожнай машыны - свая дзіўная гісторыя. Якіх кіроўцаў адбіраюць у ганаровы эскорт? Які аўтамабіль быў першым савецкім пазадарожнікам? І якім сакрэтам валодае амфібія ARGO? Цікавыя факты - у рэпартажы Дар'і Белавусавай-Пятроўскай.

Праходзячы па выставе, Васіль Аляксеевіч Зацапілаў з настальгіяй глядзіць на родны К-750. Менавіта на такім ён у студзені 1969-га суправаджаў аўтамабілі з касманаўтамі экіпажаў "Саюз-4" і "Саюз-5" і Леанідам Брэжневым. Пад'язджаючы да Крамля, картэж быў абстраляны.

За выяўленую мужнасць сяржант Васіль Зацапілаў атрымаў ордэн і камунальную кватэру ў цэнтры Масквы. Больш як 50 гадоў яго імя было засакрэчана, а ў афіцыйных дакументах пісалі: "Чалавек, які выратаваў Брэжнева". У гараж асобага прызначэння траплялі толькі лепшыя. Строгі адбор, дысцыпліна і, вядома, прафесіяналізм.

На выставе можна ўбачыць сапраўдныя знаходкі. Аказваецца, першы савецкі пазадарожнік зусім не "Ніва", а "Масквіч-415С". У 1970-м гэта была адзіная спроба завода зрабіць легкавы пазадарожнік для сяла.

Сакрэтная распрацоўка Чалябінскага трактарнага завода 1960 года - васьміколавы ўсюдыход-амфібія ARGO. Назву атрымаў за шарнірныя герметычныя секцыі, якія вонкава нагадваюць жабры. Time Machine - гэта матацыкл, які прысвечаны творчасці групы "Машына часу" часоў 70-х. Дарэчы, ён сабраны ў Беларусі. Асноўны элемент - легендарная бас-гітара "Арфей", а на заднім крыле можна ўбачыць асабістыя аўтографы ўсіх музыкантаў групы.

На выставе выстаўленыя машыны, у якіх на працягу амаль стагоддзя ездзілі першыя асобы краіны. Напрыклад, любімы лімузін Мікалая II. Па Маскве манарх перамяшчаўся з зачыненым кузавам, па Крыме аддаваў перавагу адкрытаму варыянту з лёгкім тэнтам. Пасля рэвалюцыі ўвесь царскі гараж дастаўся камуністычнаму вяршку. Уладзіміра Леніна вазілі на "ролс-ройсе", а вось Сталіну ўжо падабаліся амерыканскія "лінкальны" і "пакарды". У 1944 годзе па яго распараджэнні савецкія інжынеры зрабілі па заходніх узорах першы айчынны лімузін ЗіС-115. Менавіта гэтая машына стала сімвалам Перамогі над фашызмам.