У Бруселі пачынаюцца перамовы аб Брэксіце

Сёння ў Бруселі пачынаюцца перамовы аб Брэксіце. Брытанскі міністр Дэвід Дэвіс правядзе сустрэчу з прадстаўніком Еўрасаюза Мішэлем Барнье. Ён галоўны перагаворшчык ЕС. У выніку будзе вызначана, на якіх умовах Злучанае Каралеўства пакіне Еўрасаюз і якімі будуць іх далейшыя ўзаемаадносіны. Акрамя таго, на сустрэчы будзе абмяркоўвацца статус грамадзян Еўрасаюза і Вялікабрытаніі ў новых умовах. Адным з пытанняў, на рашэнні якога сярод першых настойвае ЕС, з'яўляецца выплата Злучаным Каралеўствам раней узятых абавязацельстваў перад Еўрасаюзам на суму каля 60 мільярдаў еўра. Чакаецца, што Брэксіт завершыцца ў сакавіку 2019 года.