Як перадаюць мясцовыя СМІ, злачынцу 39 гадоў. Яго імя не называецца. Паводле непацверджаных звестак, гэта Карым Шафі. Ён быў у базе экстрэмістаў, якія ўяўляюць пагрозу бяспецы Францыі. Раней ён адбываў турэмны тэрмін за нападзенне на паліцэйскіх. Нагадаем, напярэдадні злачынцы адкрылі агонь па паліцыі на Елісейскіх палях. Адзін чалавек забіты, яшчэ двое паранены. Пацярпела турыстка. Адказнасць за атаку ўзяла на сябе "Ісламская дзяржава". Некалькі гадзін таму з'явілася інфармацыя, што другі ўдзельнік стральбы сам з'явіўся ў паліцыю ў бельгійскім горадзе Антверпен. Аднак пазней стала вядома, што паміж ім і атакай у Парыжы ніякай сувязі няма.
