Пайшла з жыцця расійская спявачка і актрыса Жанна Фрыске

16 Чэрвеня 2015

Сумная навіна прыйшла з Масквы. Напярэдадні позна вечарам памерла расійская спявачка і актрыса Жанна Фрыске. Пра тое, што яна цяжка хворая, стала вядома напачатку 2014 года. Урачы дыягнаставалі неаперабельную пухліну галаўнога мозгу. У падтрымку Фрыске Першы канал арганізаваў дабрачынную акцыю. На дапамогу спявачцы гледачы сабралі больш за паўтара мільёна долараў. Пасля працяглага лячэння ў клініках Германіі і ЗША Жанна разам з роднымі пераехала ў Прыбалтыку. Урачам удалося дабіцца працяглай рэмісіі. Апошнія месяцы Фрыске жыла ў Маскве ў загарадным доме разам з мужам Дзмітрыем Шэпелевым і маленькім сынам Платонам. 

Жанна Фрыске атрымала вядомасць, калі была салісткай гурта "Бліскучыя". Затым яна пачала сольную кар'еру, а таксама знялася ў фільмах "Начны дазор", "Дзённы дазор" і "Пра што гавораць мужчыны".

8 ліпеня спявачцы споўніўся б 41 год.