Украінскія сілавікі перашкодзілі ажыццявіць замах на кіраўнікоў дзяржавы

Украінскія сілавікі перашкодзілі ажыццявіць замах на прэзідэнта краіны Пятра Парашэнку, кіраўніка МУС Арсэна Авакава і іншых кіраўнікоў дзяржавы. Аб гэтым сёння паведамляе ўкраінскае выданне "Краіна" са спасылкай на дакументы сілавікоў, якія апынуліся ў распараджэнні рэдакцыі. Удакладняецца, што па справе затрыманы кіраўнік цэнтра вызвалення палонных "Афіцэрскага корпуса" Уладзімір Рубан. Пры ім выяўлены цэлы арсенал зброі. Рубана абвінавачваюць у падрыхтоўцы тэрарыстычнага акта ў цэнтры Кіева. Паміж тым, каля 200 прыхільнікаў былога губернатара Адэскай вобласці Міхаіла Саакашвілі, высланага з тэрыторыі Украіны, правялі сёння мітынг у кіеўскім парку імя Тараса Шаўчэнкі. Тыя, хто сабраўся, заклікалі Парашэнку да адстаўкі. Сярод патрабаванняў - прыняцце новага закону аб выбарах і стварэнне Антыкарупцыйнага суда. Парк быў ачэплены байцамі Нацгвардыі, на прылеглых да яго вуліцах перакрылі рух.