У United Airlines пасажыра ў палёце ўкусіў скарпіён

У United Airlines новая праблема - пасажыра рэйса Х'юстан - Калгары ў палёце ўкусіў скарпіён. Паводле слоў жонкі, калі яе муж абедаў у бізнес-класе, адчуў, што ў яго валасах нешта ёсць. Пасля гэтага скарпіён упаў перад ім на столік і адразу жа ўкусіў, як толькі пасажыр паспрабаваў скінуць яго на пол. На гэтую сітуацыю неадкладна адрэагавалі сцюарды. Яны звязаліся з урачом на зямлі і аказалі мужчыне першую дапамогу. Пасля прызямлення пацярпелага чакала хуткая.