НЗ ля берагоў Мікранезіі. Пасажырскі самалёт здзейсніў экстранную пасадку на ваду ля вострава Трук.
Паветранае судна не дацягнула ўсяго 150 метраў да ўзлётна-пасадачнай паласы. На борце Боінга, які належаў авіякампаніі Новай Гвінеі, знаходзіліся 36 пасажыраў і 11 членаў экіпажа. Іх зараз аглядаюць медыкі. Ратавальнікі паспелі хутка эвакуіраваць людзей, у выніку яны атрымалі толькі траўмы. Што стала прычынай аварыйнай пасадкі - высвятляюць праваахоўнікі.