Трамп мае намер перашкодзіць вывядзенню вытворчасці за мяжу

Амерыканскія кампаніі больш не будуць пакідаць краіну  "без наступстваў", каб весці бізнес за мяжой. Аб гэтым заявіў абраны прэзідэнт ЗША  Дональд Трамп, які ўступіць у паўнамоцтвы 20 студзеня. Трамп мае намер прымяняць адміністрацыйныя рычагі, каб перашкодзіць вывядзенню вытворчасці за мяжу. Адзначым, захаванне рабочых месцаў і вытворчасці ў Амерыцы - адны з галоўных тэм перадвыбарнай кампаніі абранага прэзідэнта. Так, ён ужо дамовіўся аб здзелцы з кампаніяй, якая вырабляе кандыцыянеры, не пераносіць вытворчасць у Мексіку, што захавае больш за тысячу рабочых месцаў. Наўзамен кампанія атрымае пакет падатковых льгот на 7 млн долараў у найбліжэйшыя 10 гадоў.