Татальны карантын: Ізраіль цалкам закрыецца на тры тыдні

У Ізраілі ўсё ж вырашыліся на жорсткія меры. З пятніцы там аднаўляюць трохтыднёвы карантын. Усе публічныя месцы ў краіне закрыюць. Выходзіць на вуліцу можна будзе толькі па неабходнасці. Абавязковыя маскі і дыстанцыя. Усе арганізацыі, акрамя жыццёва неабходных вытворчасцяў, будуць абавязаныя адправіць супрацоўнікаў у водпускі або перавесці іх на дыстанцыйную працу. Да парушальнікаў карантыну паліцыя будзе ўжываць сілу. З такім папярэджаннем выступіў міністр унутранай бяспекі Ізраіля.