Сотні авіярэйсаў скасаваныя з-за непаладак у працы дыспетчарскага цэнтра Нацыянальнай службы кіравання паветраным рухам. Больш за ўсё вылетаў затрымана з Гэтвіка і Станстэда - другога і трэцяга па велічыні аэрапортаў Імглістага Альбіёна. Парушана праца і галоўнай паветранай гавані краіны - Хітроу. Як заяўляюць спецыялісты Еўрапейскай арганізацыі бяспекі паветранага руху, ліквідаваць непаладкі ўдасца толькі да позняга вечара гэтага дня.
