Тры чалавекі загінулі і яшчэ двое атрымалі сур'ёзныя раненні ў выніку страляніны ў прыгарадзе Х'юстана, штат Тэхас. Інцыдэнт адбыўся ў шматкватэрным доме. Паводле інфармацыі паліцыі, усе пяць ахвяр атрымалі раненні ў галаву. Злачынец з месца злачынства ўцёк. Інфармацыі пра яго асобу і матывы не паступала. Як паведамляюць мясцовыя СМІ, у кватэры выяўленыя наркотыкі. Адзначым, гэта ўжо трэці інцыдэнт са стралянінай у Х'юстане за апошні час. 10 лістапада два чалавекі загінулі і 22 былі параненыя пры перастрэлцы, падчас святкавання дня нараджэння. Днём раней ахвярай страляніны стаў 25-гадовы мужчына, які ўмяшаўся ў спрэчку на паркоўцы паміж мужчынам і жанчынай.
