18 з 19 амерыканскіх дыппрадстаўніцтваў у краінах Блізкага Усходу і Афрыкі, закрытыя з-за тэрарыстычнай пагрозы з боку Аль-Каіды, сёння аднаўляюць працу. Пры гэтым консульства ЗША ў пакістанскім Лахоры, як і пасольства ў Емене, застануцца закрытымі. На думку дзярждэпартамента, у гэтых краінах захоўваецца высокі ўзровень небяспекі. Некалькі гадзін таму меркаваныя баевікі Аль-Каіды забілі 5 еменскіх салдат, якія ахоўвалі адзіны ў краіне газаправод. Емен служыць базай для Аль-Каіды на Аравійскім паўвостраве.
