Савет Бяспекі ААН сёння правядзе першае галасаванне па кандыдатах на пасаду генсакратара Сусветнай арганізацыі

Мэта працэдуры - скараціць лік прэтэндэнтаў, якіх на дадзены момант 12. Нягледзячы на тое, што працэс выбараў імкнуцца зрабіць максімальна адкрытым, размеркаванне сімпатый ад членаў Савета Бяспекі пройдзе за зачыненымі дзвярамі. Наступнае галасаванне - у канцы ліпеня. Працэдура прадоўжыцца да таго часу, пакуль адзін з кандыдатаў не атрымае падтрымку ўсіх 15-ці членаў Савета. Затым імя новага генсакратара будзе вынесена на зацвярджэнне Генасамблеі. Ён або яна зменіць на гэтай пасадзе Пан Гі Муна 1 студзеня.