Сірыя заявіла аб перахопе ізраільскіх ракет над Дамаскам

Армія Ізраіля пацвердзіла ракетны ўдар па дзясятках цэляў у Сірыі. Як паведамляецца, атака была  праведзена ў адказ на запуск іранскімі сіламі ракет з тэрыторыі арабскай рэспублікі. Паводле некаторых звестак, іх база размешчана недалёка ад Дамаска. Карыстальнікі сацсетак публікуюць фота і відэаролікі, на якіх відаць, як у небе ўзрываюцца перахопленыя снарады. Некалькі ракет дасягнулі цэлі.