Сігналы з нібыта прапаўшай падводнай лодкі "Сан-Хуан", атрыманыя аргенцінскімі вайскоўцамі, не дапамаглі ўстанавіць яе месцазнаходжанне. Яны былі вельмі перарывістыя і слабыя, растлумачылі ў ВМС Аргенціны. Нягледзячы на неспрыяльныя ўмовы надвор’я, пошукі судна працягваюцца. У маштабнай аперацыі ўдзельнічаюць шэсць краін. Нагадаем, падлодка "Сан-Хуан", на борце якой знаходзяцца 44 члены экіпажа, перастала выходзіць на сувязь 15 лістапада.
Апошнюю інфармацыю аб месцазнаходжанні яна перадала, знаходзячыся ў акваторыі Атлантычнага акіяна. Прычына знікнення дагэтуль не ўстаноўлена.