Штормы абрынуліся на Харватыю і Чарнагорыю

Жыхары харвацкага Дуброўніка заснялі вялізны смерч, які прайшоў зусім недалёка ад узбярэжжа. Вялізная варонка цудам не абрынулася на горад. Зрэшты, там зараз і так несалодка: у рэгіёне - ліўні, магутныя вятры і град, а хвалі дасягаюць рэкордных 11 метраў.

На суседнюю Чарнагорыю таксама абрынуўся шторм. З-за ліўняў у рэках падняўся ўзровень вады, затапіўшы палі і шматлікія ўчасткі трас. Затопленыя і ўзбярэжжы. Напрыклад, у курортным горадзе Будва вада дабралася нават да Старога горада.