І гэта не толькі больш як мільярд каталікоў, але і пратэстанты, англікане, а таксама праваслаўныя хрысціяне ў Румыніі, Балгарыі, Грэцыі, краінах Афрыкі, Блізкага Усходу. Галоўная падзея каляднай ночы - служба ў Віфлееме ля грота, дзе, паводле падання, і з'явіўся на свет Ісус.
У Ватыкане каля паўгадзіны таму завяршылася традыцыйнае папскае пасланне "Гораду і свету". На плошчы Святога Пятра сабраліся тысячы чалавек - у асноўным турысты, паколькі для італьянцаў Раство - вельмі сямейнае свята. Пантыфік блаславіў паству і па традыцыі павіншаваў вернікаў на розных мовах. Папа Францыск адзначыў, што неабходна зрабіць свет больш чалавечным і заклікаў убачыць Немаўля Хрыста ў тварах дзяцей, першым чынам у закранутых канфліктамі і бедствамі рэгіёнах свету, у тым ліку Блізкага Усходу, Сірыі і Украіны. Дарэчы, святкаванні ў Еўропе і на Блізкім Усходзе праходзяць пры павышаных мерах бяспекі праз высокую пагрозу тэрактаў. У Рым сцягнутыя каля тысячы паліцэйскіх і дзве тысячы вайскоўцаў.
А ў ЗША незвычайны падарунак маленькім амерыканцам падрыхтавала прэзідэнцкая пара. Дональд Трамп з жонкай Меланіяй наведалі цэнтр камандавання паветрана-касмічнай абароны. Пад Раство тут адкрываюць прамую лінію, датэлефанаваўшыся на якую можна даведацца, над якой часткай свету ў гэтыя хвіліны пралятае запрэжка Санты. Дзеці былі здзіўленыя, пачуўшы ў трубцы голас прэзідэнта, але загадваць жаданні не саромеліся. Адзін з малышоў папрасіў у падарунак не цацкі, а каб яго бабулю хутчэй выпісалі з бальніцы.
