Алімпійскі сход аднагалосна падтрымаў удзел спартсменаў у Гульнях-2018. Рашэнне адобрыў Крэмль. Але канчатковы выбар застаецца выключна за спартсменамі.
У Маскве працуе наш уласны карэспандэнт Дар'я Белавусава-Пятроўская. 12 снежня, стрымліваючы эмоцыі і сабраўшы нервы ў кулак, з нецярпеннем чакалі ўсе расійскія спартсмены. Бо сёння тут, на алімпійскім сходзе, па сутнасці, вырашаўся іх лёс. А менавіта - ці будзе ўдзельнічаць зборная Расіі ў зімовай Алімпіядзе 2018 у Пхенчхане.
Нагадаем, 5 снежня выканкам МАК прыняў рашэнне дыскваліфікаваць Алімпійскі камітэт Расіі. А да Алімпійскіх гульняў дапусціць толькі чыстых атлетаў, якія не заплямілі сябе допінг-гісторыямі, але пры адной умове. Выступаць яны будуць пад нейтральным флагам і пад абрэвіятурай - алімпійскі спартсмен з Расіі. Ні расійскага трыкалора, ні расійскага гімна на зімовай Алімпіядзе ў Пхенчхане не будзе.
Увесь тыдзень спецыяльная камісія апытвала прадстаўнікоў зімовых відаў спорту, якія могуць прыняць удзел у Алімпіядзе. Большасць спартсменаў выказалася за паездку ў Карэю. Сваю пазіцыю яны напісалі ў калектыўным лісце, які сёння быў разгледжаны на алімпійскім сходзе.
Зараз трэба вырашыць шэраг тэхнічных пытанняў. Напрыклад, у якой форме будуць выступаць расійскія спартсмены, а таксама хто з атлетаў, хто ўжо заваяваў права на ўдзел у Алімпійскіх гульнях, туды паедзе. Ліцэнзіі атрымалі больш за 200 спартсменаў, але хто з іх атрымае запрашэнне ад МАК - пакуль не вядома.
Зараз Алімпіяда 2018 для ўсіх расійскіх спартсменаў, якія будуць у ёй удзельнічаць, ператвараецца ў справу гонару. Бо яны едуць туды не толькі па сваю мару - стаць алімпійскім чэмпіёнам. Удзел у Гульнях - гэта магчымасць паказаць свету, што яны гуляюць сумленна і па правілах.
