Спачуванне ў сувязі са шматлікімі ахвярамі прэзідэнту Турцыі Рэджэпу Тайіпу Эрдагану ад імя беларускага народа і сябе асабіста накіраваў Аляксандр Лукашэнка. Кіраўнік дзяржавы таксама перадаў словы спачування і падтрымкі народу Турцыі, усім пацярпелым, родным і блізкім загінуўшых і пажадаў жыхарам закранутага стыхіяй рэгіёна хутчэйшага вяртання да звычнага жыцця.
Магутнае землетрасенне магнітудай 6,8 адбылося напярэдадні ўвечары ў раёне горада Сіўрыджэ ва ўсходняй правінцыі Элязыг. Падземныя штуршкі суправаджаліся ўдарнай хваляй, якую адчулі 20 мільёнаў чалавек і за межамі Турцыі: у Ізраілі, Іраку і Сірыі. Праз некалькі гадзін адбылося яшчэ больш як 200 афтэршокаў. Небяспека паўтору падземных штуршкоў захоўваецца. Пошукава-выратавальныя працы не спыняюцца: пад заваламі па-ранейшаму могуць знаходзіцца як мінімум 22 чалавекі. Улады заклікаюць мясцовых жыхароў не захадзіць у пашкоджаныя будынкі з-за пагрозы абвальвання.
Хулусі Акар, міністр абароны Турцыі: "Войскі прыведзеныя ў стан баявой гатоўнасці, каб дапамагчы цывільным асобам, калі гэта будзе неабходна. У раён бедства накіраваныя выратавальныя каманды. Мы ўважліва сочым за тым, як праходзіць пошукава-выратавальная аперацыя".
Наступствы магутнага землетрасення ў Турцыі
Гэтую ноч шматлікія мясцовыя жыхары правялі на вуліцы. Тых, хто застаўся без прытулку, часова размяшчаюць у школах, спартыўных залах, інтэрнатах і бібліятэках. Прэзідэнт Турцыі падчас візіту ў пацярпелую правінцыю Элязыг паабяцаў, што ўлады распачнуць усе неабходныя крокі для будавання новага жылля замест разбураных вёсак і раёнаў. У пацярпелыя гарады накіраваныя сотні грузавікоў з гуманітарнай дапамогай.
