Рабочая група ААН па незаконным пазбаўленні волі падтрымала скаргу Джуліяна Асанжа

Павінен быць неадкладна вызвалены. Паводле інфармацыі ВВС, рабочая група ААН па незаконным пазбаўленні волі падтрымала скаргу заснавальніка WikiLeaks Джуліяна Асанжа, прызнаўшы яго зняволенне ў пасольстве Эквадора незаконным. Раней Асанж заявіў, што пакіне пасольства Эквадора ў Лондане і здасца паліцыі, калі камісія ААН адхіліць яго прэтэнзію да Каралеўства. У запыце Асанж сцвярджае, што яго вымушанае шматгадовае знаходжанне ў эквадорскай дыпмісіі можна залічыць за адбыванне пакарання ў выглядзе пазбаўлення волі. Афіцыйна рашэнне павінна было быць вынесена заўтра. Праблема ў тым, што прававыя эксперты камісіі ААН не маюць уплыву на брытанскія або шведскія ўлады. Нагадаем, грамадзянін Аўстраліі Асанж абвінавачваецца ў Швецыі ва ўчыненні згвалтавання ў 2010 годзе. На гэтай падставе ўлады Швецыі дамагаюцца яго выдачы і брытанскія праваахоўныя органы гатовыя яго затрымаць.