Так лічыць кіраўнік Еўракамісіі. Падчас выступлення ў Гаазе Жан-Клод Юнкер заявіў, што Украіна не зможа ўступіць у ЕС або НАТА раней, чым праз чвэрць стагоддзя. Прычыны - як у складанай сітуацыі ў самой Украіне, так і ў напружаных для ЕС часоў.
Жан-Клод Юнкер, кіраўнік Еўракамісіі: "Еўрасаюзу патрабуецца доўгая паўза, перш чым прымаць у ЕС новыя дзяржавы-члены. Што датычыцца Украіны, то ні ў ЕС, ні ў НАТА яе не плануюць клікаць яшчэ па меншай меры гадоў 20-25. Кіеў прадпрымае недастаткова намаганняў па барацьбе з карупцыяй і рэфармаванні органаў юстыцыі".
Гэтую заяву Юнкер зрабіў у Нідэрландах, дзе на 6 красавіка запланаваны рэферэндум па асацыяцыі з Украінай. Гэта адзіная краіна ЕС, у якой гэтае пытанне выносіцца на ўсенароднае галасаванне. Паводле апошніх апытанняў, большасць галандцаў выступаюць супраць такой асацыяцыі. Хоць вынікі рэферэндуму неабавязковыя для выканання.
