Недахоп хуткасці пры выкананні манеўру пры заходзе на другі круг - гэта першыя даныя расшыфроўкі бартавога самапісца самалёта Боінг-737 авіякампаніі Татарстан, які разбіўся. Зараз вывучаюцца дыскі запісу перамоў пілотаў з дыспетчарамі. Знайсці касету з запісамі перамоў самога экіпажа на месцы трагедыі не ўдалося. Па факце ўзбуджана крымінальная справа аб парушэнні правіл бяспекі палётаў. Міждзяржаўны авіяцыйны камітэт папярэдне абвінаваціў у крушэнні пілотаў, адзначыўшы недахопы ў працы экіпажа.
Аксан Гініятулін, генеральны дырэктар авіякампаніі Татарстан: Члены каманды былі вопытныя. У камандзіра было 2,500 гадзін палёту, эксперыментальных 1,900 гадзін на гэтым жа тыпе самалёта. Час палётаў у начны час складаў прыблізна 1,000 гадзін, у цэлым 2,500 гадзін. На час расследавання няшчаснага выпадку і прычын катастрофы мы прынялі рашэнне прыпыніць эксплуатацыю боінгаў нашай кампаніяй.
Перад крушэннем пілот паведаміў авіядыспетчару, што ідзе на другі круг і далажыў аб непасадачнай канфігурацыі. Пасля гэтага самалёт упаў практычна вертыкальна зверху ўніз паміж узлётна-пасадачнай паласой і рулёжнай дарожкай. Адбыўся моцны выбух і пажар. Авіякатастрофа забрала жыцці 44 пасажыраў і 6 членаў экіпажа. Для апазнання астанкаў загінуўшых прызначана да 2 тысяч судова-медыцынскіх і геномных экспертыз.
