Прычынай крушэння "Боінга" ў Растове-на-Доне мог стаць канфлікт пілотаў

Прычынай крушэння "Боінга" ў Растове-на-Доне мог стаць канфлікт пілотаў - такая асноўная версія трагедыі пасля расшыфроўкі экспертамі бартавых самапісцаў. Як піша сёння "Коммерсант" са спасылкай на свае крыніцы, пілоты вырашылі пры пасадцы зайсці на другі круг і для гэтага адключылі аўтапілот. Пры гэтым экіпаж не ўлічыў спецыфіку пераходу лайнера з рэжыму пасадкі ў рэжым набору вышыні. У выніку "Боінг" накіраваўся ўверх, як знішчальнік. Адзін лётчык, працягваючы ўздымацца, паспрабаваў набраць хуткасць. Яго ж напарнік меркаваў, што ў першую чаргу варта апусціць нос самалёта. На запісы чутныя крыкі экіпажа. Лётчыкі пхалі свае штурвалы ў процілеглых адзін аднаму кірунках, што вывела з ладу электроніку, а затым і прывяло да катастрофы. Афіцыйныя звесткі па расшыфроўцы чорных скрынь будуць апублікаваныя ў наступныя два тыдні.