Польскія фермеры працягваюць блакіраваць 6 пунктаў пропуску на мяжы з Украінай. Яны патрабуюць абмежаваць імпарт сельгаспрадукцыі з Незалежнай і адмовіцца ад еўрапейскага зялёнага курсу.
На дадзены момант у чэргах з боку польскай мяжы знаходзяцца каля 3 300 грузавікоў. Больш за ўсё ў пункце пропуску "Кракавец" - там знаходзяцца каля 1 600 машын, у "Ягадзіне" - 550.
Таксама паступаюць паведамленні, што польскія аграрыі пачалі блакіраваць ваенныя грузы для Кіева, якія ідуць праз іх краіну. Украінскі вадзіцель меў усе неабходныя дакументы, але аграрыі ўсё роўна адправілі яго ў канец 18-кіламетровай чаргі.
