Сёння ноччу зямляне маглі назіраць за палётам вялізнага астэроіда. Яго маса больш за 150 мільёнаў тон. Гігант наблізіўся да нашай планеты на адлегласць 1 мільён 200 тысяч кіламетраў. Гэта ў тры разы больш, чым ад Зямлі да Месяца, хаця ў касмічных маштабах гэта зусім няшмат. Вакол астэроіда, паводле звестак НАСА, круціцца спадарожнік прыблізна 70 метраў у дыяметры. Навукоўцы сачылі за касмічным аб'ектам з моманту яго адкрыцця 11 гадоў таму. Ніякай небяспекі для Зямлі астэроід не ўяўляе.