Тым часам пошукавая аперацыя на месцы крушэння "Аэробуса А-321" завяршаецца. Расійскімі спецыялістамі цалкам абследаваная плошча на 40 квадратных кіламетраў. ТАСС са спасылкай на кіраўніка міжнароднай камісіі па расследаванні прычын крушэння самалёта паведамляе, што на апошніх секундах запісу бартавых самапісцаў чутны старонні гук. Як падкрэслівае кіраўнік камісіі, знойдзеныя на месцы здарэння абломкі не дазваляюць вызначыць характар уздзеяння і дакладныя прычыны здарэння. Праз тыдзень пасля авіякатастрофы, у якой загінулі 224 чалавекі, спецыялісты не выключаюць ні адну з магчымых версій трагедыі.
