Нарвежскі суд сёння разгледзіць апеляцыю дзяржавы супраць рашэння аб тым, што з масавым забойцам Андэрсам Брэйвікам абыходзяцца бесчалавечна з моманту яго ўзяцця пад варту за забойства 77-мі чалавек амаль 7 гадоў таму. Вясной мінулага года суд першай інстанцыі заявіў, што правы Брэйвіка парушаліся, паколькі ён быў падвергнуты ў турме абыходжанню, якое "зневажае яго годнасць". Брэйвік, як вядома, сядзіць у 3-пакаёвай камеры плошчай 30 квадратных метраў, дзе яму дазваляюць гуляць у відэагульні, а таксама глядзець тэлевізар. У 37-гадовага злачынца ёсць і камп’ютар, праўда, без доступу ў Інтэрнэт; трэнажор, кнігі і газеты.
