Парламент Азербайджана адзначыў стагадовы юбілей

За перыяд, які ахапіў усяго 17 месяцаў, парламент Азербайджанскай Дэмакратычнай Рэспублікі правёў 145 пасяджэнняў, апошняе з якіх адбылося 27 красавіка 1920 года. Ва ўрачыстых мерапрыемствах, прысвечаных юбілею, удзельнічалі кіраўнікі і прадстаўнікі парламентаў больш як з 150 дзяржаў, а таксама прадстаўнікі міжнародных парламенцкіх арганізацый. Беларусь у Баку прадставіў Старшыня Палаты прадстаўнікоў Уладзімір Андрэйчанка. Ён павіншаваў азербайджанскіх калег з юбілейнай датай, адзначыўшы эфектыўную заканатворчую працу меджліса, якая забяспечыла стварэнне неабходнай прававой базы для пабудовы стабільнай дзяржавы, якая дынамічна развіваецца, з высокімі тэмпамі эканамічнага росту.