Апазіцыйная партыя "Цэнтр" перамагла на выбарах у парламент Фінляндыі

Партыя "Цэнтр" набрала больш за 21% галасоў. Такім чынам, лідары атрымалі 49 месцаў у парламенце, што на 14 больш, чым у папярэднім складзе. Чакаецца, што "Цэнтр" прапануе свайго кандыдата на пасаду прэм'ер-міністра. Партыя выступае за актыўны ўдзел у Еўрасаюзе і супраць уваходжання краіны ў НАТА. На другім месцы знаходзіцца партыя "Праўдзівыя фіны". Далей ідуць Кааліцыйная і Сацыял-дэмакратычная партыі. Нагадаем, парламенцкія выбары прайшлі ў Фінляндыі ў нядзелю. З 2 000 кандыдатаў былі абраныя 200 дэпутатаў заканадаўчага органа.