Каля 500 вайскоўцаў украінскага спецназа мітынгавалі ля будынка Рады

Вярхоўная рада Украіны не стала разглядаць закон аб забеспячэнні галасавання на парламенцкіх выбарах вайскоўцам, якія прымаюць удзел ва ўзброеным канфлікце ў Данбасе. Каля 500 вайскоўцаў украінскага спецназа мітынгавалі ля будынка Рады з патрабаваннем прыняць закон. Аднак спікер Аляксандр Турчынаў закрыў пасяджэнне парламента, не дабіўшыся ўнясення дакумента на парадак дня. Гэта пытанне ўжо спрабавалі разгледзець 14-га кастрычніка, але тады абмеркаванне сарвалі радыкалы Правага сектара - яны ўчынілі перад будынкам Рады масавую бойку. Міліцыя затрымала амаль 50 парушальнікаў.