Некалькі дзён застаецца да выбараў новага кіраўніка Еўрапарламента

Старшыню вышэйшага заканадаўчага органа ЕС выберуць шляхам таемнага галасавання 17 студзеня. На гэтае месца прэтэндуюць 8 кандыдатаў. Ужо ёсць і фаварыты гонкі. Іх двое. Абодва - італьянцы: Джані Пітэла ад фракцыі сацыялістаў і дэмакратаў і пратэжэ Берлусконі Антоніа Таяні з Еўрапейскай народнай партыі. Цяперашні кіраўнік Еўрапарламента Марцін Шульц заявіў, што не будзе балатавацца на трэці тэрмін, а вернецца ў вялікую палітыку сваёй краіны - Германіі. Шматлікія СМІ нават звалі Шульца верагодным кандыдатам на пасаду канцлера ФРГ. Аднак нядаўна палітык аспрэчыў гэтыя чуткі.