На захадзе Румыніі навальніцы і штармавы вецер. Загінулі 8 чалавек, яшчэ 70 пацярпелі, сярод іх шмат дзяцей. Прычынай смерцяў сталі сарваныя ветрам цяжкія прадметы. Парывы ветру дасягалі 100 кіламетраў за гадзіну, яны зрывалі дахі дамоў, вырывалі дрэвы, перакульвалі смеццевыя бакі.
Штармавы вецер і ліўні гаспадараць у Сербіі, і Босніі і Герцагавіне. Там з-за паваленых дрэў парушаны транспартныя зносіны. Пашкоджаны аўтамабілі і будынкі.
А ў Харватыі ліўні справакавалі паводку. Затоплены ўзбярэжныя гарады і астравы Паўночнай Адрыятыкі. Вада стаіць на першых паверхах жылых дамоў, школ і гатэляў. Затоплены падвалы, падземныя паркоўкі і пераходы. У некаторых раёнах сышлі апоўзні.
