На ўсходняе ўзбярэжжа Індыі абрушыўся разбуральны цыклон "Фані"

Парывы ветру дасягаюць 200 кіламетраў за гадзіну. Асноўны ўдар прыняў на сябе штат Арыса, адкуль эвакуіравалі больш за мільён чалавек. Спыненыя чыгуначныя зносіны, адмененыя авіярэйсы, зачыненыя тры порты. У адміністрацыйным цэнтры штата, горадзе Бхубанешвар, парывы ветру павалілі будаўнічы кран на жылы дом - вядома аб двух загінуўшых. "Фані" стаў адным з самых разбуральных цыклонаў у Індыі за 20 гадоў. Паводле прагнозаў метэаролагаў, праз некалькі гадзін ён аслабне і сыдзе ў бок Бангладэш.