Магутны выбух прагрымеў на поўдні Дамаска

Паводле папярэдніх звестак, загінулі 7 чалавек, звыш дзясятка пацярпелі. Надзвычайнае здарэнне адбылося недалёка ад месца знаходжання ключавых ваенных баз у раёне Кафр-Суса. Як мяркуецца, яго ўчыніў смяротнік. Як паведамляе мясцовая паліцыя, ён прывёў у дзеянне замацаваны на целе пояс з узрыўчаткай ля ўваходу ў спартыўны клуб. Акрамя таго, прыходзяць паведамленні і аб выбухах побач з ваенным аэрапортам у Дамаску.