Масавае пахаванне знойдзена пад Масулам

Астанкі звыш ста чалавек, абезгалоўленых баевікамі, знойдзеныя падчас наступаў іракскай арміі на Масул. Знявечаныя целы былі зваленыя ў кучу і закапаныя на тэрыторыі сельскагаспадарчага каледжа. Усе забітыя - мясцовыя жыхары, сярод якіх мноства жанчын і дзяцей. Калі менавіта з'явілася масавае пахаванне - не вядома, але, па меркаванні ўлад, няма сумнення, што ў забойстве вінаватыя баевікі тэрарыстычнай групоўкі "Ісламская дзяржава". Аблога Масула, які разам з навакольнымі гарадамі з 2014 года цалкам знаходзіўся пад кантролем экстрэмістаў, працягваецца. Урадавыя войскі зараз прасоўваюцца да міжнароднага аэрапорта.