Маніла прымае саміт АЦЭС

Пытанні развіцця супрацоўніцтва ў Азіяцка-Ціхаакіянскім рэгіёне абмяркоўваюць прадстаўнікі 19 краін - гэта 60% сусветнага ВУП. Тэматыка - эканамічная, але пасля крушэння расійскага самалёта і трагедыі ў Парыжы не абыходзяць бокам і тэму тэрарызму. Міністры замежных спраў і гандлю выказалі агульную салідарнасць у неабходнасці барацьбы з тэрарызмам, аднак рэкамендацый лідарам для ўключэння ў фінальны тэкст дэкларацыі яны не выпрацоўвалі. Зразумела, меры бяспекі беспрэцэдэнтныя. На час правядзення форуму ў сталіцы Філіпінаў нават аб'явілі школьныя канікулы. Закрыта і паветраная прастора над Манілай.