Літва часова спыніла даваць прыстанішча грамадзянам Украіны

У Вільнюсе чакаюць, што Кіеў створыць умовы для размяшчэння бежанцаў на сваіх тэрыторыях. Як паведамляюць літоўскія СМІ, калі будзе магчымасць абуладкаваць людзей, якія ратуюцца ад канфлікту ў Данбасе, у іншых рэгіёнах Украіны, то прыстанішча ў Літве ім, хутчэй за ўсё, не дадуць. Паводле афіцыйных дадзеных, летась запыт на атрыманне прыстанішча на тэрыторыі балтыйскай дзяржавы падало каля 70 украінцаў. Да крызісу ў Данбасе гэтая лічба не перавышала пяці чалавек за год.