Канстытуцыйны суд Германіі дазволіў прэзідэнту краіны называць ультраправых радыкалаў дурнямі

Раней з іскам супраць Іаахіма Гаўка выступіла Нацыянал-дэмакратычная партыя ФРГ. Мінулым летам нацыяналісты пікетавалі Берлінскі цэнтр для бежанцаў. У абарону сталі мясцовыя актывісты, што нярэдка заканчвалася сутычкамі. Каменціруючы сітуацыю, прэзідэнт Гаўк назваў радыкалаў дурнямі, якім трэба паказаць межы дазволенага. Правыя падалі на кіраўніка дзяржавы ў суд, але яго прызналі невінаватым. На думку суддзяў, у сваёй прамове Гаўк меў на ўвазе людзей, якія не ўспрынялі ўрокаў гісторыі і, нягледзячы на катастрафічныя наступствы нацызму, працягваюць адстойваць радыкальныя перакананні.