Усе міжнародныя назіральнікі, якія прыедуць у Беларусь на выбары-2024, уключаючы не толькі місіі і парламенцкія структуры, але і індывідуальных экспертаў з розных краін, у тым ліку краін Еўрасаюза, будуць у адпаведнасці з заканадаўствам акрэдытаваныя і атрымаюць магчымасць назіраць за ходам выбараў. Гэта сёння паведаміў старшыня Цэнтральнай выбарчай камісіі. Ігар Карпенка, у прыватнасці, пракаментаваў інфармацыю аб тым, што Беларусь устрымаецца ад запрашэння на выбары назіральнікаў ад АБСЕ.
Ігар Карпенка, старшыня Цэнтральнай выбарчай камісіі Беларусі:
Мы назіралі, што яшчэ ў маі 2023 года на сайце АБСЕ з'явіўся даклад "Аб сур'ёзнай пагрозе чалавечаму вымярэнню ў Беларусі", дзе ўсё было ацэнена ў негатыўных тонах, у прыватнасці, рэферэндум, праведзены ў 2022 годзе, і тая палітычная рэформа, якая праводзілася тады. Усё гэта было прадказальна.Нагадаем, усяго беларусы будуць выбіраць 12 624 дэпутаты. З іх 110 чалавек у Палату прадстаўнікоў, астатнія - у мясцовыя Саветы.
