Са Шры-Ланкі зноў прыходзяць трывожныя весткі

Літаральна гадзіну таму яшчэ адзін выбух прагрымеў каля царквы - падчас размініравання спрацаваў начынены выбухоўкай фургон.

Раней у сталіцы на аўтобусным прыпынку былі выяўленыя амаль 90 дэтанатараў. Да гэтага вайскоўцы абясшкодзілі выбуховае прыстасаванне побач з міжнародным аэрапортам. Тым часам адказнасць за нядзельныя тэракты ўзяла на сябе ісламісцкая групоўка "Джамаат ат-Таўхід аль-Ватанія". На Вялікдзень у краіне адбылося восем выбухаў: тры ў храмах, тры ў гатэлях, па адным на захадзе вострава і ў жылым комплексе ў прыгарадзе сталіцы. Загінуўшых ужо 290, сярод іх 35 іншаземцаў: грамадзяне Кітая, ЗША, Турцыі, Індыі, Японіі, шэрагу еўрапейскіх краін. У бальніцах - каля паўтысячы параненых. У рамках расследавання затрыманы 24 чалавекі. 

Руван Віевардэн, міністр абароны Шры-Ланкі: "Вінаватыя ўстаноўленыя. Мы не дадзім шанц гэтым экстрэмісцкім групам дзейнічаць і рабіць тое, што ім удалося здзейсніць за апошнія суткі. Мы распачнём неабходныя дзеянні і будзем праследваць злачынцаў незалежна ад іх рэлігійных перакананняў". 

Прэм'ер-міністр краіны ў сваю чаргу заявіў, што Шры-Ланцы запатрабуецца дапамога замежных спецслужбаў для выяўлення магчымых замежных сувязяў экстрэмісцкай групоўкі. Аўторак у краіне абвешчаны днём жалобы. З паўночы будзе ўведзены рэжым надзвычайнага здарэння. Нядзельны тэракт стаў найбуйнейшым за ўсю гісторыю Шры-Ланкі.